თანამედროვე ქართველი კლასიკოსი მწერლის, გურამ დოჩანაშვილის ყველაზე ცნობილი ნაწარმოების, „სამოსელი პირველის“ მიხედვით შექმნილი მუსიკალურ-ქორეოგრაფიული დრამა, სადაც მოთხრობილია თავგადასავლის მაძიებელი დომენიკოს ამბავი, რომელზეც ძლიერ იმოქმედა იდუმალებით მოცული კაცის - ლტოლვილის ნაამბობმა. დომენიკო ტოვებს მშობლიურ სახლ-კარს, მამას, და მიდის ბედის საძებნელად. გზადაგზა, ადამიანებთან ურთიერთობისას, იგი მიხვდება, რა არის მეგობრობა, სიყვარული, სიკეთე, ბოროტება, გულწფელობა, პატიოსნება, რა მოხდებოდა, სიკვდილი რომ არ იყოს... და რომ დედამიწას სიყვარული ატრიალებს.
ეს არის ამბავი სიკეთისა და ბოროტების შეცნობაზე, რომელსაც საფუძვლად უდევს „უძღები შვილის“ იგავი.